பிலிப்பைன்ஸின் மத்திய பகுதியில் உள்ள கன்லாவோன் எரிமலை வெடித்ததில் சுமார் 24,000 குடும்பங்களைச் சேர்ந்த 94,000 பேர் பாதிக்கப்பட்டுள்ளனர்.
நெக்ரோஸ் தீவில் அமைந்துள்ள இந்த எரிமலை, கடந்த 10-ம் தேதி வெடித்தது. இதனால் எழுந்த சாம்பல் புகை, சுமார் 5 முதல் 6 கி.மீ. உயரத்துக்குப் பரவியது.11-ம் தேதி எட்டு முறை சாம்பல் வெளியேறியதாகவும், மறுநாள் குறைந்தது ஐந்து முறை வெளியேறியதாகவும் அதிகாரிகள் தெரிவித்தனர்.
தற்போது எரிமலை எச்சரிக்கை நிலை 2-ல் உள்ளது.
எரிமலைச் செயல்பாடு மீண்டும் தீவிரமடைய வாய்ப்புள்ளதாக அதிகாரிகள் எச்சரித்துள்ளனர்.
எரிமலையைச் சுற்றியுள்ள 4 கி.மீ. ஆபத்துப் பகுதிக்குள் மக்கள் செல்லத் தடை விதிக்கப்பட்டுள்ளது. அருகிலுள்ள பகுதிகளில் வசிப்பவர்கள் சாம்பல் படிதல், நச்சு வாயுக்கள் உள்ளிட்ட ஆபத்துகள் குறித்து எச்சரிக்கையுடன் இருக்க அறிவுறுத்தப்பட்டுள்ளனர்.
